Google ADS

Brnabiç vazhdon të ‘vajtojë’ Ushtrinë e Kosovës, thotë se është kërcenim ndaj marrëveshjeve të arritura

00:14 | 25 Dhjetor 2018
Arbresh.info

Kryeministrja e Serbisë, Ana Brnabiç vazhdon të merret me formimin e Ushtrisë së Kosovës.

Ajo, Ushtrinë e Kosovës dhe deklaratat e fundit të KFOR-it i sheh si kërcënime ndaj marrëveshjeve të arritura mes Kosovës dhe Serbisë, transmeton Indeksonline.

Sipas kryeministres serbe formimi i kësaj ushtrie është në kundërshtim me rezolutën 1244, traktatin e Brukselit dhe Kushtetutën e Kosovës.

Ndërsa për hyrjen e ROSU në veri tha se deri më tani janë njoftuar për pesë raste të hyrjes së forcave speciale të Policisë së Kosovës në veri.

“Kjo është tallje me të gjitha marrëveshjet. Ata nuk duhet të shkojnë me pushkë në veri”, u shprehë ajo për RTS.

Ndërsa vendimin e qeverisë së Kosovës për vendosjen e taksës 100% ndaj produkteve serbe e quajti politikë arrogante dhe të papërgjegjshme.

Kurse për dialogun mes Kosovës dhe Serbisë ritheksoi se vendi i saj nuk do të hyjë në dialog deri kur të shfuqizohet vendimi për taksën.

Shpërndaje në rrjete sociale

Lajmet më të lexuara

Të ngjashme

Foto lajm